NBA-ын талбайд долоон тоглолт боллоо. Өнөөдрийн оргил тоглолт Лос Анжелес хотын хоёр багийн тоглолт Клипперсийн талбайд боллоо. Энэ улиралд дөрвөн удаа таарч тоглохоос өнөөдрийн тоглолт эхнийнх нь бөгөөд эхний хагаст 15 онооны зөрүүгээр Клипперс тэргүүлсэн юм. Улмаар гуравдугаар үед онооны зөрүү 26-д хүрч байсан ч Лейкэрс төгсгөлийг сайн хийснээр онооны зөрүү 15 болж дууссан юм. Шийдвэрлэх үед Лейкэрс онооны зөрүүг 10 болгож ойртуулж байсан ч Клипперс хариуг оноог авч байснаар 102-116 харьцаагаар ялалт байгууллаа. Клипперс улмаар улирлыг 24 хожил, 17 хожигдолтойгоор өрнөд бүсийн тавд байгаа бол Лейкэрс 22 хожил, 18 хожигдолтойгоор тэдний ард буюу зургаад эрэмбэлэгдэж байна.

Тус тоглолтод Норман Пауэл 22 оноо, 3 таслалт, Жеймс Харден 21 оноо, 12 дамжуулалт, Ибаци Зубач 21 оноо, 19 самбар, Кавай Леонард 19 оноог авч жигд тоглолтыг үзүүлж хожсон байна. Харин эсрэг багаас Леброн Жеймс 25 оноо, 5 самбар, 11 дамжуулалт, 3 таслалтаар багаа тэргүүлсэн бол Руй Хачимура 19 оноо, 7 самбар, Энтони Дэвис 16 оноо, 10 самбар, 3 хаалтыг гүйцэтгэсэн байна.

Өнөөдөр болсон бусад тоглолтын үр дүн

Сан Антонио Спөрс 107-128 Миами Хит
Денвер Наггетс 113-100 Орлондо Межик
Филадельфи 76 109-123 Милоуки Багс
Брүүклин Нетс 101-127 Оклахома Сити Тандер
Лос Анжелес Лейкэрс 102-116 Лос Анжелес Клипперс
Чикаго Буллс 102-113 Портленд Трэйл Блэйзэрс
Вашингтон Визардс 100-123 Сакермэнто Кингс