Брэд Питтийн хүүхдүүд долоон орны хэл сурч байгаа гэнэ
Холливудын нэрт жүжигчдийн гэр бүл болох Брэд Питтийнх зургаан хүүхэдтэй. Эл айлын эзэгтэй хүүхдүүдийнхээ боловсролд тэр дундаа гадаад хэлний боловсролд нь туйлын их анхаардаг ажээ.
Брэд Питт, Анжелина Жоли нар өргөмөл өөрийн нийлсэн 7-14 насны зургаан хүүхдийг өсгөдөг өнөр гэр бүл. Тэгвэл Жоли “Би Би Си Радио 4” сувгийн “Эмэгтэйчүүдийн цаг” нэвтрүүлэгт оролцох үедээ “Хүүхдүүд маань бүгд өөр өөр хэл сурч байгаа.
Би тэднийгээ ямар хэлийг сурмаар байгааг нь асуусан юм. Гэтэл Шиван Камбож хэл сурахыг хүссэн бол Пакс Вьетнам хэл сурахыг хүсч, түүндээ ч их шамдаж байгаа. Мэддокс Герман, Орос хэлийг сурч байгаа бол Захара франц хэлийг сонирхон судалж буй. Харин Вивьен Араб хэл сурахыг хүссэн. Нокс дохионы хэл сурч байгаа” гэж ярьсан байна.
Мөн “Миний мөрөөдөл хүүхдүүдээ өөр өөр орны хэл соёлыг сургах байсан” гэж өгүүлсэн ажээ. Түүнчлэн Жолигийн хэлснээр хүүхдүүдийнх нь хэн нь ч жүжигчин болохыг хүсдэггүй гэнэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
