Өнгөрсөн хоногт Улаанбаатар хот, Төв, Говь-Алтай, Дундговь, Говьсүмбэр, Булган, Орхон, Хөвсгөл аймгийн нутгаар бороо орсон.     

 Өнөөдөр  нутгийн зүүн хагаст үүлэрхэг, бусад нутгаар үүлшинэ. Төвийн аймгуудын ихэнх, баруун болон говь, зүүн аймгуудын зарим газраар бороо орно. Дуу цахилгаантай. Салхи баруун хойноос 5-10 м/с, нутгийн өмнөд хэсгээр 12-14 м/с хүрч ширүүснэ. Хангай, Хөвсгөлийн уулархаг нутгаар 10-15 градус, говийн бүс нутгийн өмнөд хэсгээр 25-30 градус, Дорнод, Дарьгангын тал нутгаар 20-25 градус, бусад нутгаар сэрүүсч 14-19 градус дулаан байна. 

 

Ингэснээр Монгол орны нийт нутгийн хэмжээнд голын төвшин ихэсч, үерийн аюултай хэмжээнд хүрээд байгаа юм. Улаанбаатар хотод л гэхэд Туул, Сэлбэ голууд үерлэж байна.  Тиймээс иргэд амралт аялал, зугаалгаар явахдаа гол усны ойролцоо амарч зугаалахгүй, сонор сэрэмжтэй байх, бага насны хүүхдийг гол усны эрэг дагуу явуулж, тоглуулахгүй байх, хүүхдэд тавих хараа хяналтаа дээшлүүлэх, голуудын усны түвшин нэмэгдэж байгаа тул баталгаатай гүүр, гарам, гарцтай газраар автомашинтай зорчиж аюулгүй байдлаа хангахыг Онцгой байдлын ерөнхий газраас анхааруулж байна. 

 

Өнөөдөр гэхэд л Сэлбэ гол хэдхэн цагийн хооронд үерлэж, голын эрэг дагуу тавьсан машинууд урсах магадлал нэмэгдсэнийг иргэдэд анхаарууллаа. Мөн Шадар сайд Ц.Оюунбаатар 14.00 цагаас албан өрөөндөө үер усны аюулаас сэрэмжлүүлж мэдээлэл хийх юм байна. 

 Мөн орон нутагт айл өрхүүд голын арал, тохой, эрэг, уулын бэл дагууд бууж суурьшсанаас үерт өртөх тохиолдлууд ихсэх хандлагатай байгааг анхаарна уу.