Баянгол дүүргийн Иргэдийн Төлөөлөгчдийн Хурлын Нутгийн захиргааны байгууллагуудын бодлогын түвшинд мэдээлэл солилцох, албан хаагчид харилцан туршлага судлах, иргэдийн Төлөөлөгчдийн Хурлын байгууллагуудын үйл ажиллагааг төгөлдөржүүлэхэд түлхэц үзүүлэх зорилтын хүрээнд Сэлэнгэ аймгийн Орхон сумын иргэдийн Төлөөлөгчдийн хурал болон ажлын албатай “ХАМТЫН АЖИЛЛАГААНЫ САНАМЖ” бичгийг байгуулав.

Санамж бичгийн хүрээнд газар тариалан, эдийн засаг, боловсрол, аж ахуйн салбарт хамтын ажиллагааг хэрэгжүүлж, хамтын хөгжил цэцэглэлтийг дэмжих,харилцан туршлага солилцох хөтөлбөр хамтран зохион байгуулж, хэрэгжүүлэх юм.

Мөн энэ үеэр иргэдийн Төлөөлөгчдийн Хурлын Төлөөлөгчид Захиргааны эрх зүйн эх сурвалжийн зонхилох хэсэг нь төрийн эрх барих ба захиргааны байгууллагуудаас батлан гаргасан хууль эрх зүйн актуудаар хэлбэржин илэрхийлэгддэг талаар суурь мэдлэг олгох сургалтанд хамрагдлаа. Сургалтыг хууль зүйн ухааны докторант Ц.Амарсанаа орлоо