NBA-ын хасагдах шатны хагас шигшээ тоглолтууд болж байна. Өнөөдрийн сүүлийн тоглолт Минносато Тимбэрволвис талбайдаа Голдэн Стэйт Уорриорс багтай цувралын эхний тоглолтыг хийлээ. Тоглолтын эхний үед талбайн эзэд хоёр оноогоор тэргүүлж дуусгасан ч хоёрдугаар үед Уорриорсын гол тоглогч Көрри гэмтэж талбайг орхижээ. Гэвч Уорриорс гайхалтай тоглож онооны тэргүүллийг авч эхэлсэн бөгөөд тэргүүллээ алдалгүй явсаар тоглолт 99-88 харьцаагаар хожил байгуулжээ.

Улмаар цувралыг 1-0 харьцаагаар Уорриорс тэргүүлж эхэлсэн бөгөөд цувралын хоёр дахь тоглолт тавдугаар сарын 9-нд Тимбэрволвисын талбайд тоглоно.

Тус тоглолтод Бадди Хийлд 24 оноо, 8 самбараас бөмбөг авч багаа тэргүүлсэн бол Жимми Батлер 20 оноо, 11 самбар, 8 дамжуулалт, 2 таслалт, Драумонд Грин 18 оноо, 8 самбар, 6 дамжуулалт, 2 таслалт, Стифэн Көрри 13 минут тоглохдоо 13 оноог авчээ. Эсрэг багаас Энтони Эдвардс 23 оноо, 14 самбар, 3 таслалтаар багаа тэргүүлсэн бол Жульс Рендл 18 оноо, сэлгээнээс Наз Рийд 19 оноог авчээ.