УИХ-ын дарга Н.Учрал өөрийн цахим хуудсанд Аппликейшн зээл, банк бус санхүүгийн байгууллагуудын талаар нийтэлсэн байна. Тэрбээр

"Иргэд маань зээлээс зээлийн хооронд амьдарч байна.

Аппликейшн зээл, банк бус санхүүгийн байгууллагуудын хяналтгүй, эмх замбараагүй үйл ажиллагаа өдөр ирэх тусам өрийн дарамтыг нэмэгдүүлж, санхүүгийн сахилга бат алдагдуулж байна.

Монголбанк 10 их наяд төгрөгийн алдагдалтай болчихлоо.

Утга учиргүй мөнгө хэвлэж, инфляцыг өдөөсөн буруу бодлогын үр дүн эцэстээ жирийн иргэдийн нуруун дээр бууж байна.

Нөхцөл байдал хүндрэхээр бодлого өөрчилж, түмэн олонд сюрприз барьдаг байдал үргэлжилсээр...

УИХ-ын даргын хувьд ирэх 7 хоногт Монголбанк, Санхүүгийн зохицуулах хороонд ажиллана.

Шийдэл гаргаж, Засгийн газарт чиглэл хүргүүлнэ." хэмээсэн байна.