NBA-ын "Бүх оддын тоглолт" өнөөдөр Бүх оддын алдартнуудын тоглолт болон Залуус оддын тоглолтоор эхэллээ. Өнөөдрийн тэмцээнд залуу 28 тоглогчдыг дөрвөн багт хуваагдаж Винс Картер, Кармело Энтони, Трэйси МакГрэйди, Остин Риверс нар дасгалжуулсан билээ.

Тус тоглолт эхний хоёр тоглолт аль баг нь түрүүлж 40 оноонд хүрсэн нь хожих бөгөөд хоёр хожсон баг нь хоорондоо 25 оноонд уралдаж хүрэх даалгавартай юм. Улмаар түрүүлсэн баг нь нөгөөдөр буюу хоёрдугаар сарын 16-ны өглөө болох Бүх оддын тоглолтын дөрвөн багийн нэг нь болох юм. 

Тэгвэл эхний тоглолт Остин болон Мелогийн багууд тоглож 40-34 харьцаагаар Мелогийн баг ялж дараагийн шатанд шалгарчээ.

Улмаар дараагийн тоглолт Винс болон МакГрэйди нарын хооронд болж сүүлийн 10 оноог Винс багийн тоглогч Эджкомб авснаар 40-36 харьцаагаар хожлоо.

Улмаар хоёр ялалт байгуулсан багууд болох Винс болон Мелогийн багууд хоорондоо тоглож эцсийн мөчид Эджкомб хоёр чөлөөт шидэлтээ амжилттай болгож 25-24 харьцаагаар. Винсийн баг ялалт байгуулж нөгөөдөр болох Бүх оддын тоглолтод оролцож эрхийг авлаа.

Тус тэмцээний Үнэ цэнэтэй тоглогчоор хоёр тоглолтод нийт 23 оноог авснаар ВЖ Эджкомб боллоо.