Электрон тоглоомын CS2 төрлийн "The MongolZ" баг энэ оны хоёр дахь тэмцээн "PGL Cluj-Napoca 2026" тэмцээнд оролцоно. Тус тоглолт Румын улсын Клуж-Напока хотноо хоёрдугаар сарын 14-22-ны өдрийн хооронд болно.

Манай залуусын гурав дахь тоглолтоо Украйны "B8" багтай тоглож 2-1 (Ancient 13-9; Mirage 7-13; Nuke 19-17) харьцаагаар хожиж хоёр дахь хожлоо байгууллаа. Улмаар хоёр хожил нэг хожигдолтой Украйны "Natus Vincere" багтай өнөөдөр шөнө 21:00 цагт тоглохоор боллоо. Хоёр баг өнгөрсөн жил долоон удаа тоглож хоёрт нь манай залуус хожиж байжээ. Хамгийн сүүлд "Thunderpick world championship-2025" тэмцээний хагас шигшээд таарч 1-2 (Mirage 9-13; Nuke 13-3; Ancient 10-13) харьцаагаар хожигдож байжээ.

"The MongolZ" баг эхний тоглолт Бразилын "paiN" багтай тоглож 2-1 (Nuke 7-13; Mirage 13-1; Dust2 13-2) харьцаагаар хожиж дараагийн тоглолтоо Европын холбооны "Team Vitality" багтай тоглож 1-2 (Mirage 13-10; Dust2 4-13; Nuke 4-13) багтай тоглож хожигдсон билээ.

1,250,000 ам.долларын шагналын сантай тус тэмцээнд нийт 16 баг оролцож байгаа бөгөөд гурван тоглолт хожсон найман баг нь шигшээ тоглолтод оролцох бол гурван тоглолт хожигдсон баг нь тэмцээнийг орхино.

The MongolZ багийн бүрэлдэнүүнд ахлагч Blitz  /Б.Гарьдмагнай/,  Techno4k  /М.Содбаяр/, 910  /Б.Өсөхбаяр/, Mzinho  /Б.Аюуш/, "Cobrazera" У.Анарбилэг, дасгалжуулагч Maaraa /Б.Эрдэнэдалаа/ нар тоглож байна.