Хотын дарга асан Х.Нямбаатар өөрийн цахим хуудсанд долдугаар сарын 31-нд нэгэн нийтлэл оруулжээ. Тодруулбал,

Төрд ажиллаж үзээгүй, ажил хийж үзээгүй, Хүн амын орлогын албан татвар төлж үзээгүй, аж ахуй эрхэлж үзээгүй гэсэн хэрнээ сошиалд учиргүй баяны дүрд тоглодог ( хандив хүүхэд багачуудад өгөөд л) учиргүй ухаантай бүлэг этгээдүүд улсыг хамт удирдаж байгаа шүү. Шийдвэр гаргагчид Боролдой хөмсөгт мэтийн луйварчдын хандлагад нийцүүлж шийдвэр гаргахаар яаж ч хөгжих билээ дээ. Эрдэнэт хотын 50 жилийн ойн хүндэтгэлийн ширээнд дээрмийн хэргээр ял авсан мань луйварчин Эрдэнэтээс төрсөн алдартан гээд сууж харагдсан.

Саяхан сошиалд учиргүй ухаантай юм ярьдаг нэг этгээд айлын өнчин өрөөсөн хүүхдүүдийг бэлгийн боолчлолд оруулж мөнгө ольё гэж хээв нэг ярьж сууж байсан.

Бас АН аас УИХ д нэр дэвшсэн алиалагч нөхөр бэлгийн дур хүслээ хангаж байгаа бичлэгээ нийгмийн сүлжээнд оруулж байсан.

Иймэрхүү нөхдүүд нийгмийн оюун санаанд хүчтэй нөлөөлж шийдвэр гаргагчид дийлэнхдээ аялдан дагаж шийдвэр гаргаж байна. Үр хүүхдүүдийн үзэл санаа төлөвшихөд нөлөөлж байна.

Библи (7:15) …Хуурамч эш үзүүлэгчдээс болгоомжил. Тэд хонины арьс өмсөж ирдэг ч дотроо өлсгөлөн чоно байдаг.