Румын улсын Бухарест хотноо зохиогдож буй 1.250,000 ам.долларын шагналын сан бүхий 16 багийн дунд "PGL Masters Bucharest 2026" тэмцээн өнөөдөр эхэлнэ.

Тус тэмцээнд өчигдөр "1win Private Club #2" тэмцээний аварга болсон "The MongolZ" баг оролцож байгаа бөгөөд 15:00 цагаас Туркийн "Aurora Gaming" багтай тоглоно. Хоёр баг өмнө нь 14 удаа таарч тоглоход есөн удаад нь хожсон бол сүүлд хоёр баг энэ оны тавдугаар сард болсон "PGL Astana 2026" тэмцээний хэсгийн шатанд таарч тоглож 0-2 (Overpass 11-13; Mirage 10-13; Inferno 0-0) харьцаагаар хожигдож байжээ.

Тус тэмцээний дүрэм нь гурван удаа хожвол шигшээ буюу хасагдах шатанд шалгарах бол гурван удаа хожигдвол тэмцээнээс хасагдах юм.

The MongolZ баг энэ удаагийн тэмцээнд bLitz /багийн ахлагч/ Б.Гарьдмагнай, Techno4k М.Содбаяр, 910 /AWPer/ Б.Өсөхбаяр, У.Анарбилэг /cobrazera/, nin9 /Г.Есөнтөмөр/ нар тоглох бол maaRaa /coach/ Б.Эрдэнэдалай тэднийг дасгалжуулах юм.