Жил бүрийн гуравдугаар сарын 6-нд Хэвлэл мэдээллийн ажилтны өдрийг тэмдэглэн өнгөрүүлдэг уламжлалтай. Тэгвэл энэ жилийн гуравдугаар сарын 6-нд Монгол Улсад сэтгүүл зүйн салбар үүсч, хөгжсөний 104 жилийн ой тохиож байгаа юм. “Үндэсний сэтгүүлзүй үүссэний 104 жилийн ойн” үйл ажиллагаа Чингис зочид буудлын "Тэмүүжин" танхимд өнөөдөр болно.

Тус үйл ажиллагааны үеэр ахмад сэтгүүлчдэд хүндэтгэл үзүүлэх, МСНЭ-ийн шагналаас гадна “Монцамэ-гийн нэрэмжит шилдэг мэдээ”-ний шилдгүүдэд шагнал гардуулах гэнэ. Мөн “Хэвлэл мэдээллийн салбарт зохиогчийн эрхийг дээдлэх тунхаг”-ийг төрийн холбогдох байгууллагуудад гардуулахаар болжээ. Түүнчлэн “Чөлөөт хэвлэл бол чөлөөт ард иргэд мөн” аяны нээлтийн үйл ажиллагаа болох аж.