АНУ-ын 45 дахь Ерөнхийлөгч Доналд Трамп өнгөрсөн онд болсон Ерөнхийлөгчийн сонгуулиын үеэр Барак Обама өөрийг нь тагнаж байсан тухай ам нээжээ. Тэрбээр твиттер хуудастаа “Хэрэв надад сайн хуульч байсан бол Ерөнхийлөгчийн сонгуулийн өмнө аравдугаар сард Ерөнхийлөгч Барак Обама миний утсыг нууцаар чагнаж байсныг нотолж чадах байлаа” хэмээн жиргэжээ.

Тэгвэл энэ  мэдэгдэлтэй холбоотойгоор Ерөнхийлөгч асан Б.Обамагийн хэвлэлийн төлөөлөгч ч мөн няцаалт хийсэн байна. Тэрбээр  “Ерөнхийлөгч Б.Обама хэн нэгнийг тагнах үүргийг хэнд ч өгч байгаагүй. Ийм зүйл хэзээ ч болж байгаагүй. Энэ бол ор үндэслэлгүй, худал мэдэгдэл” гэжээ. Ерөнхийлөгч Д.Трамп, өмнөх Ерөнхийлөгч Барак Обама нар өнгөрсөн жилийн сонгуулийн үеэр нэг нэгийгээ  шүүмжилж байсан юм.

Д.Трампын хувьд Б.Обамаг АНУ-ын Ерөнхийлөгч байх чадвартай хүн гэдэгт эргэлздэг гэдгээ илэрхийлж,  “Биртер” хөдөлгөөнийг дэмжигч гол хүмүүсийн нэг байсан гэж мэдэгдэж байв. Харин сонгуульд Трамп ялсны дараа тэд найрсгаар уулзаж ярилцаж байсан ч, одоо ч Ерөнхийлөгч асан Барак Обама руу чиглэсэн шүүмжлэлээ зогсоогоогүй ажээ. Нэг илрэл нь түүний бодлого, үйл хэргийг шүүмжилсэн хэвлэл мэдээллийн ард Барак Обама байгаа хэмээн Трамп үздэг билээ.