Урин дулаан цаг ирж, хүмүүсийн амралт зугаалга эхэлсэн билээ. Үүнтэй зэрэгцээд хачигт халдвар гарах нь ихэсчээ.

Тодруулбал, он гарсаар улсын хэмжээнд хачигт халдварын 485 тохиолдол бүртгэгдэж, 181 нь батлагдаад байна. Энэ нь олон жилийн дундажтай харьцуулахад хоёр дахин өссөн үзүүлэлттэй байгаа аж.

Хачиг нь арваннэгдүгээр сард ичиж, гуравдугаар сараас хөдөлгөөнд ордог учраас дөрөвдүгээр сараас аравдугаар сар хүртэл идэвхжил нь өндөр байдаг. Тиймээс хөдөө орон нутагт зугаалгаар явахдаа хачигнаас болгоомжлохыг анхаарууллаа.