Туркийн зүүн этгээдэд өчигдөр нийтдээ 12 хүн зорчиж явсан цагдаагийн нисдэг тэрэг сүйрчээ. Энэ талаар орон нутгийн эх сурвалж олон нийтэд мэдээлсэн байна.

Нисдэг тэрэг гринвичийн цагаар өчигдөр өглөө 08:40 цагийн үед тус улсын зүүн хэсгийн Тунсели гэх мужийн нутагт сүйрчээ.

Хохирогчдын долоо нь цагдаагийн алба хаагч байсан бол нэг нь шүүгч, нисэх багийн гурван гишүүн, нэг цэргийн алба хаагч байсан аж.

Нисдэг тэрэг хөөрснөөсөө хойш 10 орчим минутын дараа төвтэй холбоо тасарч, сүйрчээ. Тухайн үед ямар нэг дохио ирүүлж мөн амжаагүй байна. Одоогоор албаныхан сүйрлийн шалтгааныг цаг агаарын хүчин зүйлтэй холбон тайлбарлаж байна. Мөн ослын газар руу аврах албаныхан очжээ.