БНСУ-ын Батлан хамгаалах яамны хэвлэлийн төлөөлөгч мэдэгдэл хийж, тус улсын цэргийн  офицер эмэгтэй дээд албан тушаалтандаа хүчиндүүлдсэний улмаас амиа хорлосон байж магадгүй талаарх мэдээллийг хүргэжээ.

Талийгаач бүсгүй ахмад цолтой бөгөөд энэ сарын 24-нд  гэрээсээ амиа хорлосон байдалтайгаар олдсон байна. Мөн гэрээслэл бичиж үлдээсэн байжээ.  Гэрээслэлд “Маргааш би ч гэсэн энэ ертөнцөд байхгүй болчихсон байна” гэх үгийг бичсэн байсан тухай орон нутгийн эх сурвалжууд дамжуулсан байна.

Одоогоор түүнийг амиа хорлосон гэж үзэж байгаа аж. Гэхдээ нас барахаасаа өмнө эрэгтэй найздаа ажлын байрны бэлгийн дарамтад өртсөн тухайгаа ярьж байсан гэнэ. Одоогоор бүсгүйг хүчиндсэн байж болзошгүй удирдах албан тушаалтныг нь баривчилжээ. Сэжигтэн этгээд талийгаачтай сексийн харилцаатай байсан гэдгээ хүлээсэн ч, хүч хэрэглэсэн удаагүй гэж мэдүүлсэн байна.

Дашрамд сонирхуулахад, БНСУ-д сүүлийн таван жилийн хугацаанд удирдах албан тушаалтан буюу өөрөөсөө дээд цолтой цэргийн алба хаагчид хүчиндүүлсэн эмэгтэй цэргүүдийн тоо 111-д хүрчээ.