Францын Ерөнхийлөгч Эммануэл Макрон Их Британийг Европын холбоонд үлдэхийг уриалж, “Хаалга үргэлж нээлттэй” хэмээн мэдэгджээ. Тэрбээр Парис хотноо Их Британийн Ерөнхий сайд Тереза Мэйг хүлээн авч уулзсаныхаа дараа болсон хэвлэлийн хурлын үеэр энэ үгийг хэлсэн байна. Гэхдээ Тереза Мэй урьдчилан төлөвлөж байсны дагуу ирэх долоо хоногоос Их Британийг ЕХ-ноос гаргах хэлэлцээрийг эхлүүлнэ гэж мэдэгдлээ.

Э.Макроны шинэ нам парламентын доод танхимын анхан шатны сонгуульд  олонхийн санал авсанаар парламентад олонх болох магадлал нэмэгдсэн. Гэвч эсрэгээр Тереза Мэйгийн нам саяхан болсон ээлжит бус сонгуульд олон суудал авсан хэдий ч, олонхи болж чадаагүй юм.

Тэгвэл ЕХ-ноос гарах хэлэлцээр сунжирч магадгүй энэ үед Макрон “Мэдээж, Их Британийн ЕХ-ноос гарах хэлэлцээр дуусаагүй байгаа үед үлдэх хаалга та бүгдийн өмнө үргэлж нээлттэй байх болно” гэсэн байна.