Хэт даврагч “Лалын улс” бүлэглэлийн Филиппин дэх салбар бүлэглэлийн түшиц баазаас их хэмжээний хар тамхи олджээ. Филиппиний өмнөд этгээдийн Минданао арлын Марави хотод хэт даврагч бүлэглэл болон Засгийн газрын хоорондын мөргөлдөөн үргэлсээр байгаа. Тэгвэл өчигдөр тус улсын цэргийнхэн зэвсэгт босогчдын баазаас Метамфетамин гэх хар тамхины төрлийн бодис 11 кг-ыг олж, хураан авсан байна.

Гадаадынхан гэх мэт хэдэн зуун хүний бүрэлдэхүүнтэй зэвсэгт босогчид өнгөрсөн сарын 23-нд “лалын улс” бүлэглэлийн хар далбааг өргөж, лалын шашинтнууд хүн амын ихэнхийг эзлэх Малави хот руу довтолж эхэлсэн юм. Улмаар Филиппиний Ерөнхийлөгч Родриго Дутерт улсаа террористуудаас цэвэрлэхийн тулд тус хотод мөн онц байдал тогтоогоод байна.