БНСУ-ын Ерөнхийлөгч асан Пак Гын Хе  Хойд Солонгосын удирдагч Ким Жон Уны амийг хөнөөхөөр төлөвлөж байсан нь ил болсон. Тэгвэл үүнтэй холбоотойгоор Пхеньян Пакыг цаазын ялаар шийтгэнэ хэмээн заналхийлжээ.

БНАСАУ-ын төрийн өмчит KCNA агентлагаар тус улсын тэргүүний мэдэгдэл цацагдсан бөгөөд энэ үед Ким Жон Уны амийг бүрэлгэхээр төлөвлөж байсан тухай хэргийг сөхөж, “Бид гадаад дотоодын аль нь ч бай, дайсан Пак Гын Хед цаазын ял ногдуулахаа мэдэгдэж байна” гэжээ.

Авлига, төрийн нууц задруулсан гэх хэргээр Үндэсний ассамблейд итгэл үзүүлэх эсэх асуудлаар санал хурааж, огцруулсан экс Ерөнхийлөгч Пак Гын Хе одоогоор БНСУ-ын Сөүл хотын цагдан хорих төвд хоригдож байгаа билээ. 

Түүнчлэн, Пхеньян энэ сарын 28-ны мэдэгдэлдээ БНСУ-ын Засгийн газарт хандан “олон улсын терроризмын гэмт хэрэгтэн болох Пак Гын Хег нэн даруй шилжүүлж өгөх”-ийг шаардсан байна.