“2016 оны Хятад номын үзэсгэлэн худалдаа” Улаанбаатар хотноо болох гэж байна.  Энэхүү үзэсгэлэн худалдааг  БНХАУ-ын Боловсролын ном хэвлэлийн импорт экспортын ХК  ШУТИС-тай хамтран зохион байгуулж байгаа аж.  Номын үзэсгэлэн худалдаа энэ сарын 5-нд эхлэх бөгөөд Улаанбаатар дахь Хятадын соёлын төвд болох юм.

Харин 6-7-ны өдрүүдэд ШУТИС-ийн номын санд болох юм байна.  Энэхүү үзэсгэлэнд нийт 600 гаруй хятад ном оролцох бөгөөд үүнд зохион бүтээх, эдийн засаг, хэл судлал, амьдрах ухаан зэрэг олон салбарын номуудаа танилцуулах ажээ.  Мөн энэхүү үзэсгэлэнд Хятад Англи хэлтэй хятад хэлний сурах бичгээс гадна Монгол хэл дээрх Хятад хэлний сурах бичгүүд багтсан байгаа юм байна.