Дэлхийн аваргын сүүлийн өдөр манай хоёр жүдоч зодоглоно
Жүдо бөхийн насанд хүрэгчдийн 2021 оны дэлхийн аварга шалгаруулах тэмцээн Унгар улсын нийслэл Будапешт хотноо үргэлжилж өнөөдөр дуусна.
Тэмцээний долоо дахь өдөр эрэгтэйчүүдийн +100 кг жинд МУГТ Ө.Дүүрэнбаяр, эмэгтэйчүүдийн +78 кг жинд ОУХМ А.Адъяасүрэн нар зодоглоно.
МУГТ Ө.Дүүрэнбаяр эхний барилдаанаа Австрийн Стефан Хежигийн эсрэг хийх бол ОУХМ А.Адъяасүрэн эхний шатанд ОХУ-ын Анжела Гаспариантай барилдана.
Тэмцээний эхний зургаан өдрийн байдлаар манай 16 бөх 12 жинд зодоглож хоёр хүрэл медаль хүртээд байна. (МУГТ М.Уранцэцэг, ОУХМ Ё.Басхүү нар хүрэл медаль хүртсэн)
Харин ОУХМ Л.Өнөболд -60 кг жинд, ОУХМ, Л.Сосорбарам -52 кг жинд, дэлхийн аварга Саид Моллаи -81 кг жинд нар долоодугаар байр эзэлсэн бол ОУХМ Г.Алтанбагана тавдугаар байр эзэлсэн.
Тэмцээнийг 16:00 цагаас SPS national, SPS fight суваг тайлбарлагч С.Шижирбатын тайлбартайгаар хүргэнэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
