Монголын шилдэг 32 бильярдын тамирчин оролцож, халз тулах “Гарьд мастерс” өнөөдөр өглөө 10:00 цагаас “Гарьд” клубт эхэллээ. Монголын бильярдын холбоо болон Монголын Поккет бильярдын холбооноос хамтран зохион байгуулж буй энэхүү тэмцээнд снукер бильярдын 16, пүүл бильярдын 16, нийт 32 шигшмэл тамирчин оролцох аж.

Тэмцээн 8 бөмбөгийн дүрмээр болох юм байна. Тэмцээнд тэргүүн байр эзэлсэн тамирчин цом, алтан медаль, өргөмжлөл, 800 мянган төгрөгийн шагнал хүртэх аж. Харин хоёрдугаар байр эзлэсэн тамирчин мөнгөн медаль, өргөмжлөл, 400 мянган төгрөгөөр шагнуулах юм байна.