Испанийн Ла лигийн дөрөвдүгээр тойрогт Эзэн хааны “Реал Мадрид” клуб “Эспаньол”-ын талбайд зочлон тоглож, 0:2-оор буулгаж авсан билээ. Ингэснээр “Реал” Ла лигт 16 дараалан хожиж, 2010-2011 оны улиралд Пепийн үед “Барселона”-гийн тогтоож байсан дээд амжилттай зэрэгцлээ.

“Реал” энэ оны гуравдугаар сарын 2-нд “Леванте” клубыг 3:1-ээр буулгаж авсан билээ. Түүнээс хойш Ла лигт ганц ч тоглолтод хожигдоогүй, бүгдэд нь хожиж байгаа юм.  “Реал” дараагийн тойрогт талбайдаа “Вильярреал” клубыг хүлээж авна. Энэ тоглолтод хожвол шинэ дээд амжилт тогтоох юм.