АНУ-ын реалити шоуны од Ким Кардашианыг  өчигдөр Парис дахь зочид буудалд байх үед цагдаагийн хувцас өмсч,  зүсээ хувилгасан хоёр этгээд халдаж, цохонд нь буу тулган үнэт эдлэл, бэлэн мөнгө гэх мэт хэдэн зуун мянган еврогийн үнэд хүрэх эд хэрэглэлийг нь дээрэмджээ. Энэ талаар хотын цагдаагийн газар болон реалити од бүсгүйн ойрын хүмүүс хэвлэлд мэдээлсэн байна.

Тэрбээр Парисын загварын долоо хоногт оролцохоор Францад ирээд байжээ. Бүсгүй халдлагын үеэр ямар нэгэн бэртэл гэмтэл аваагүй ч, гэнэтийн цочиролд орсон гэдгийг албаныхан хэлж байна.  Одоогоор хохирогч хэчнээн еврогийн үнэ хүрэх эдлэлээ дээрэмдүүлснээ тодорхой хэлэх боломжгүй байгаа ч, нийт үнийг нь тогтоохоор тооцож буй гэнэ.

Түүнчлэн хэрэг гарах өдөр Ким Кардашианы нөхөр дуучин Канье Уэст Нью Йорк хотноо тоглолттой байж таарсан аж. Гэсэн ч, тоглолтоо төлөвлөсөн хугацаанаас 30 минутын өмнө дуусгажээ. Харин зохион байгуулагчид Канье Уэстын гэрт яаралтай асуудал гарсан гэх тайлбарыг хийсэн байна.