Улаанбаатар хотын Мишээл экспод энэ сарын 4-7-ны өдрүүдэд сүүлийн үеийн гоо сайхны бараа, бүтээгдэхүүний “HEALTH and BEAUTY-2025” үзэсгэлэн худалдаа нээгдэн ажиллалаа. Уг үзэсгэлэн худалдааны үеэр БНСУ-ын хамгийн сүүлийн үеийн “моодонд” ороод байгаа, бүсгүйчүүдийн дунд трэнд болоод буй, эмзэг мэдрэмтгий арьс арчилгаа, эмчилгээний гоо сайхны “АТОНО-2” брэндийн бараа бүтээгдэхүүн, үйлчилгээг сурталчлах үйл ажиллагаа амжилттай зохион байгуулагдлаа.

“АТОНО-2” брэндийн нүүр царай болсон, тус улсын 2024 оны мисс Пак Е-бин, Пак Е-рим нар хүрэлцэн ирж, энэ үйл ажиллагаанд оролцсон байна. БНСУ-ын 2024 оны “Мисс Кореа” уралдааны тэргүүн байруудад шалгарч байсан хоёр бүсгүй Монгол Улсад айлчлан “Health and beauty-2025” экспод оролцохын зэрэгцээ хүмүүнлэгийн арга хэмжээ зохион байгуулсан байна. Тэд  Хүүхдийн төв сувилалд зочлон бүтэн өнчин хүүхдүүдэд гарын бэлэг өгчээ.