2026 оны Милан Кортина өвлийн олимп эхлэхэд 6-н долоо хоног буюу 42 хоног үлдлээ. Тус Олимпод Монгол улс түүхэндээ анх удаа Уулын цанын спортоор оролцох эрхээ авсан нь онцлууштай зүйл болоод байна. Эрхээ авсан тамирчин А.Ариунбат маань БНСУ-н цанын баг тамирчид болон Монгол улсын ирээдүй болсон залуу тамирчдын хамтаар Скай Резорт цанын бааз дээр бэлтгэлээ шаргуу базаасаар байна. 2008 онд Скай Резорт цанын бааз нээгдэж тухайн үед дөнгөж уулын цанаар хичээллэж эхэлж байсан залуу тамирчид маань эхнээсээ том амжилтыг дагуулж байгаа нь бидэнтэй үргэлж хамт байж, цанын спортыг дэмжин ажилладаг та бид бүгдийн амжилт юм.