Хятадын Чиндао хотноо болж буй жүдо бөхийн Гран при тэмцээний хэсгийн барилдаанууд үргэлжилж байна. Эрэгтэйчүүдийн 66 кг-ын жинд зодоглож буй Д.Алтансүх эхний барилдаанаа хийлээ. Манай бөх нэгдүгээр тойрогт хийлж, хоёрдугаар тойрогтоо Хятадын Рен Жиа Венийг буулгаж авлаа. Ингэснээр хагас шигшээд Оросын бөх Абдула Абдулзалиловтай барилдахаар болоод байна.

Харин эмэгтэйчүүдийн 57 кг-д эх орноо төлөөлөн барилдсан Л.Энхрийлэн эхний тойрогтоо хийлсэн ч хоёрдугаар тойрогт Хятадын бөх Фэнг Шуе Мейг барсангүй. Ингэснээр тэрбээр торгуулын тойрогт Японы бөх Анзу Ямамототай барилдахаар боллоо.