Дорноговь аймгийн Айраг суманд төлбөр хураах цэг байгуулсан байна. Тодруулбал, тус суманд шинээр байгуулагдсан Олон улсын болон улсын чанартай А0102 дугаартай авто замаар зорчиж буй тээврийн хэрэгслээс зам ашигласны төлбөр хураамж авахаар болжээ.

"Айраг төлбөр авах цэг"-ийг энэ оны 11-р сарын 17-ны өдөр үйл ажиллагааг нь эхлүүлж, байнгын ашиглалтад орсон байна.

Энэхүү төлбөр авах нэгж нь Засгийн газрын хоёрдугаар сарын 15-ны өдрийн 103 дугаар тогтоолоор шинэчлэн батлагдсан "Олон улсын болон улсын чанартай зам, замын байгууламжаар зорчиж байгаа тээврийн хэрэгслээс авах төлбөрийн хэмжээ"-ний дагуу зам ашигласны төлбөр хураамжийг “Замын сан”-д төвлөрүүлэн ажиллах ажээ.