Олон улсын жүдо бөхийн холбооны 2016 оны календарчилсан төлөвлөгөөнд багтсан тэмцээнүүд өндөрлөсөн билээ. Хамгийн сүүлд Токиогийн “Их дуулга” энэ сарын ихээр болж, өндөрлөсөн. Дараагийн тэмцээнд 2017 оны хоёрдугаар сарын 11н-д Парисын “Их дуулга”-аар эхэлнэ.

Тэгвэл Олон улсын жүдо бөхийн холбоо 2016 оны тэмцээнүүдээс хамгийн олон медаль авсан орнуудын жагсаалтыг шинэчлэн гаргажээ. Манай улсын жүдочдын хувьд  2016 оны тэмцээнүүдээс 22 алт, 27 мөнгө, 44 хүрэл, нийт 93 медаль авсан амжилтаараа тавдугаар байрт эрэмбэлэгдсэн байна.

Тэгвэл Японы жүдочид 62 алт, 29 мөнгө, 49 хүрэл, нийт 140 медальтайгаар тасархай тэргүүлсэн байна. Харин  Францийн жүдочид 40 алт, 40 мөнгө, 62 хүрэл, нийт 142 медаль хүртжээ. Хэдийгээр медалийн тоогоор Японоос илүү гарсан ч алтан медалийн чанараар хоёрдугаарт бичигджээ.

Хамгийн хүчтэй өрсөлдөгчдийн нэг болох Оросын жүдочид 2016 онд 39 алт, 41 мөнгө, 66 хүрэл, нийт 146 медаль авч, Япон, Францаас ч их медаль хүртсэн байна. Гэвч алтан медалийн чанараар Франциас ердөө л нэгээр дутаж, гурав руу орсон байна. Тэгвэл Бразилын жүдочид 26 алт, 25 мөнгө, 48 хүрэл, нийт 99 медальтайгаар дөрөвдүгээрт жагссан байна. Эхний 10-т Солонгос, Недерланд, АНУ, Азербайжан, Кубын жүдочид жагсчээ.