ОХУ-ын баруун өмнөд этгээд дэх хар тэнгисийн эрэгт байрлах Адлераас Сирийн Латакиагийн агаарын цэргийн баазыг чиглэн ниссэн цэргийн зориулалттай онгоц хөөрсөнөөсөө хойш төд удалгүй радараас холбоо тасарч ор сураггүй алга болжээ.

Гэнэтийн энэ явдалтай холбогдуулан аврах баг онгоцны байршлыг илрүүлэхээр хөдөлсөн байна.

Сураггүй алга болсон онгоц Tu154 загварынх бөгөөд дотор нь ОХУ-ын 83 цэргийн алба хаагч, нисэх багийн найман гишүүн гээд нийтдээ 91 хүн зорчиж явжээ. Зорчигчид Хмеймим цэргийн баазад шинэ жилийн баяраа тэмдэглэхээр явж байсан гэнэ. Тиймээс ч, тэдний дунд ОХУ-ын цэргийн чуулгын “Александрова Ансамбль”-ийнхан байсан тухай эх сурвалж мэдээлж байна.