Өнгөрөгч баасан гарагт Ерөнхийлөгчийн тангаргаа өргөж, тэр даруй л ажилдаа орж хоёр ч чухал албан тушаалтныг томилж, мөн хамгийн анх Тагнуулын төв газарт зочлоод амжсан юм.

Тэгвэл Д.Трампын хийсэн ажлууд үүгээр дууссангүй. Тэрбээр Цагаан ордон дахь ажлын өрөөнийхөө хөшгийг хүртэл  алтлаг өнгөөр сольсон нь ил болов. Тус хөшиг өмнөх Ерөнхийлөгч Барак Обамагийн  үед хүрэн  өнгөтэй байжээ. Харин АНУ-ын шинэ Ерөнхийлөгч тангаргаа өргөх үедээ эл өрөөнд орж, Ерөнхийлөгчийн зарлигт гарын үсэг зурах үед алтлаг  өнгийн хөшгөөр солигдсон байгааг шар хэвлэлийнхэн анзаарчээ.

Түүнээс гадна Их Британийн Ерөнхий сайд асан У.Черьчиллийн толгой баримлыг ч өрөөндөө тавьсан гэнэ. Барак Обама Ерөнхийлөгч болох үедээ тус баримлыг Иргэний хөдөлгөөний удирдагч Мартин Лютер Кингийн толгой баримлаар сольж тавьсан байжээ.