УИХ-ын сонгуулийн 50 дугаар тойргийн нутаг дэвсгэр буюу Баянзүрх дүүргийн 18 дугаар хорооны  147 дугаар цэцэрлэгт байрлах санал өгөх байранд зөрчил гарсан байна.

Тодруулбал,тус хороонд оршин суугч иргэн  А.Баттамирын гэрийн хаяг дээр огт танихгүй хүний нэр бүртгэгдсэн байжээ. Түүнийг өглөө санал хураах байранд очиход өөрийнх нь гэрийн хаяг дээр 1987 онд төрсөн Ганчимэг гэгч эмэгтэйн нэр бүртгэгдсэн байсан аж.

Уг нь А.Баттамир нь эхнэрийн хамт хоёулаа амьдардаг байна. Гэтэл ам бүлийн тоо нь Ганчимэг гэгчтэй нийлээд гурав болжээ. Энэ тухай А.Баттамир нь санал хураах байрны зохион байгуулагчид өргөдөл гаргаж өгчээ.

Тус тойрогт МАН-аас Ж.Энхбаяр, Ардчилсан намаас сангийн сайд Б.Болор нар өрсөлдөж байгаа юм.