"Найрсаг Улаанбаатар 2016" хөтөлбөрийн хүрээнд зохион байгуулагдах "BEST OF CLASSIC" сонгодог урлагийн үдшийн цэнгүүн ирэх бямба гарагт Чингисийн талбайд болно. Энэ үдэш Улсын дуурь бүжгийн эрдмийн театрын уран бүтээлчид дэлхийн болон Монголын сонгодог урлагийн шилдэг бүтээлүүдийг дээжлэн олон нийтэд хүргэдэг билээ.

Тус цэнгүүнд Ж.Бизе “Кармен”, П.Чайковский “Нойрссон гүнж”, “Хунт нуур” Ж.Чулуун “Уран хас”, Д.Лувсаншарав “Шивээ Хиагт”, Б.Шарав “Чингис Хаан” зэрэг шилдэг бүтээлүүд тоглогдох аж. Тоглолтыг Нийслэлийн Засаг даргын Тамгын газар, Улсын дуурь бүжгийн эрдмийн театр хамтран зохион байгуулж байна.

Мөн тус цэнгүүнтэй холбогдуулан  2016 оны зургадугаар сарын 30-ны өдрийн 00.00 цагаас долдугаар сарын 02-ны 00.00 цаг хүртэлх хугацаанд Сүхбаатар дүүргийн нутаг дэвсгэр Их эзэн Чингис хааны нэрэмжит талбайн зүүн талын замыг буюу Соёлын төв өргөөний баруун уулзвараас урагш Централ таур хүртэлх замын хөдөлгөөнийг түр хугацаагаар хязгаарлахаар болжээ.