Өнгөрсөн бямба гарагт хүний амь насыг хохироож, ухсан нүхэнд хаясан талаар мэдээлсэн. Тодруулбал, иргэдээс Чингэлтэй дүүргийн 18 дугаар хорооны ... тоотод айлын хашаанд ухсан байсан жорлонгийн нүхэнд хүний амийг хөнөөн булсан байна гэх мэдээллийг цагдаагийн байгууллагад өгчээ.

Мэдээллийн дагуу цагдаагийн байгууллагын алба хаагчид хэргийн газарт очиход тус хороонд суух 42 настай эмэгтэй А-г хөнөөгөөд, цогцсыг нь ухсан нүхэнд булсан байжээ. Тэгвэл цагдаагийн алба хаагчид шуурхай ажиллан, тус хэргийг хэн үйлдсэн болохыг тогтоосон байна.

Эх сурвалжийн мэдээлж буйгаар 18 дугаар хорооны оршин суугч 24 настай Г гэгч залуу үйлдсэн бөгөөд талийгаачтай ямар хамааралтай хүн болохыг нь нууцаллаа. Дээрх этгээдэд Эрүүгийн хуулийн 91.2 дугаар зүйл анги буюу хүнийг санаатай алах гэсэн зүйл ангиар Эрүүгийн хэрэг үүсгэн Чингэлтэй дүүргийн цагдаагийн хоёрдугаар хэлтэст шалгаж байгаа ажээ.