Газар дундын тэнгист өнгөрсөн тавдугаар сард сүйрсэн Египетийн иргэний агаарын тээврийн онгоцны сүйрлийн шалтгааныг тодруулахаар ажиллаж буй комисс өчигдөр хэвлэлийнхэнд мэдээлэл хийжээ. Улмаар сүйрсэн онгоцны хоёр хар хайрцгийн нэгийнх нь өгөгдөлд дүн шилжилгээ хийхэд онгоц дахь утаа мэдрэгч тасралтгүй дуугарч буй байдал бичигдсэн байсан гэнэ.

Түүнчлэн онгоцны нэг хэлтэрхийнээс тортог илэрсэн байна. Египетийн иргэний агаарын тээврийн Эйрбус А320 онгоц тавдугаар сарын 19-нд 66 зорчигчтойгоор Парисаас Кайро хотыг чиглэн нисч яваад замдаа Газар дундын тэнгист осолдсон юм.  Улмаар онгоц осолдсон хэсэгт хайгуул явуулсны дүнд хоёр хар хайрцгийн олж, энэ сарын 27-нд Францад өгөгдлийг нь сэргээж, Египетэд буцаан хүргүүлсэн байна.