Холливудын нэрт жүжигчин Харрисон Форд Калифорни мужийн нисэх онгоцны буудалд хувийн онгоцоороо туршилтын нислэг хийж явахдаа 110 хүнтэй зорчигч тээврийн онгоцыг сүйрүүлэх дөхжээ. Тэрбээр 110 зорчигч,  нисэх багийн зургаа нийтдээ 117 хүн тээвэрлэхдээ бэлтгэж байсан Бойнг 737 онгоцтой маш ойрхон зөрсөн байх юм.

Хоёр жилийн өмнө ч гэсэн жүжигчин эр хувийн бага оврын онгоцоо жолоодож яваад осолд орж, эмнэлэгт хэвтэн эмчлүүлж байсан удаатай. Тэгвэл энэ удаа тус мужийн  Жон Уэйн нисэх онгоцны буудалд хувийн жижиг онгоцтойгоо газардах үедээ буух зурвас бус, хажуугийн зам руу нисч, Америкийн агаарын тээврийн онгоцны яг дээгүүр гарчээ. Одоогоор албаныхан шалтгааныг тодруулахаар ажиллаж буй гэнэ.

Нисэх буудлын мэдээлэлд, Х.Форд буух зурваст газардах зөвшөөрөл авчээ. Гэхдээ төлөвлөгөөний дагуу бус хөөрөхдөө бэлтгэж байсан Бойнг 737 онгоцны дээгүүр нисч, нисэх, буух зурвасын хажуугийн шугам руу оржээ. Ямартай ч, энэ төрлийн алдаа гаргасан нисгэгчид хүнд шийтгэл ногдуулдаг бөгөөд Х.Форд яаж шийтгэгдэх нь анхаарал татаж байна.