Монгол Улсын Ерөнхийлөгчийн сонгууль ирэх сард болно. Үүнтэй холбогдуулан улс төрийн намууд Ерөнхийлөгчийн сонгуульд нэр дэвшүүлэх иргэдээ сонгон баталж байгаа билээ. Харин Монгол Улсын Үндсэн хуульд заасанчлан иргэн бүр сонгох, сонгогдох эрхээ эдлэх эрхтэй. Тиймээс гадаадад суугаа Монгол Улсын иргэдийн сонгох эрхийг баталгаажуулж өгчөө. Тодруулбал, гадаадад амьдарч буй Монгол Улсын иргэд санал өгөх хүсэлтээ энэ сарын 20-ныг дуустал өөрийн биеэр болон цахимаар мэдүүлэх боломжтой аж.

Түүнчлэн гадаадад ажиллаж амьдарч буй иргэд урьдчилан мэдэгдэж, бүртгүүлснээр сонгогчдын нэрийн жагсаалтад бүртгэгдэх юм байна. Харин бүртгүүлэхийн тулд Сонгуулийн ерөнхий хорооноос баталсан бүртгэлийн маягтыг бөглөх, үндэсний гадаад паспортын хуулбарын хамт Монголын дипломат төлөөлөгчийн газарт илгээх гэнэ.

Илгээсэн хүсэлтийг улсын бүртгэлийн байгууллагад илгээж, улмаар бүртгэлийн байгууллага мэдээллийг нягтлан шалгасны дараа Монгол Улс дахь сонгогчийн бүртгэлээс хасалт хийх аж. Ийнхүү хүсэлт илгээсэн тухайн Салбар комисст очиж саналаа өгөх сонгогчын нэрийн жагсаалтад бүртгэгдэх юм байна.