Монгол Улсын Ерөнхийлөгчийн ээлжит сонгууль энэ сарын 26-нд явагдсан ч гурван нэр дэвшигчийн хэн нь ч 50 хувиас дээш санал аваагүй тул дахин санал хураалт явуулахаар болсон билээ. Үүнтэй холбогдуулан СЕХ-ноос хоёр дахь шатны сонгуулийг долдугаар сарын 7-нд явуулах тухай шийдвэрийг гаргасан юм. Харин гадаадад байгаа иргэдийн саналыг ирэх сарын 4-5-нд зохион байгуулахаар болсон.

Дахин сонгуулийн бэлтгэл ажлын хүрээнд СЕХ-оос санал хураалтад шаардлагатай техник хэрэгсэл, саналын хуудсыг богино хугацаанд найдвартай хүргэх ажлыг судалж эхэлжээ.

СЕХ-ноос аймаг, сумдад нисдэг тэргээр саналын хуудсыг түгээх боломжийг судалж байгаа гэнэ. Тэд Батлан хамгаалах яам болон Зэвсэгт хүчний жанжин штаб, Иргэний нисэх, аэро компанийнхантай  уулзахад зарим нислэгээ зохицуулж, техник хэрэгсэл, саналын хуудас хүргэлтэд дэмжлэг үзүүлэхээр болсон байна.