Улаанбаатар oC
Нийгэмд хамгийн их хүлээлт үүсгэж байсан Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслүүдийн эцсийн хэлэлцүүлгийг хийж байгаа билээ.
Хэлэлцүүлгийн үеэр зарим зүйл, заалтыг хасах, өөрчлөх асуудлыг хэлэлцсэн юм. Тухайлбал, Гэр бүлийн хүчирхийллийн хуулинд оруулсан байсан тохуурхан даажигнах гэсэн заалтыг хасах санал оруулсан. Энэ асуудалд УИХ-ын гишүүн О.Баасанхүү нэлээд бухимдаж, “Тохуурхан даажигнах гэдэг чинь өөрөө хүчирхийлэл. Энэ заалтыг хасмааргүй байна” хэмээн саналаа хэлсэн. Гэвч гишүүдийн олонхийн саналаар энэ заалтыг хассан юм.
Ийнхүү гишүүд асуулт асууж, хариулт авсны дараа зарчмын зөрүүтэй саналаар санал хураалт явуулаад, Гэр бүлийн хүчирхийлэлтэй тэмцэх тухай хуулийг баталлаа. Энэ хуулийн төслийг батлах нь зүйтэй гэж чуулган оролцсон 50 гишүүний 43 нь дэмжиж, 86 хувийн саналаар баталсан юм.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
