Зураг дээрх хүүг Эдуард гэдэг. Тэрбээр Бразилын Рио Де Жанейрогийн Кампо Грандед байрладаг чанарын шаардлага хангахгүй орон сууцны нэг өрөөнд долоон ах, дүүгийнхээ хамт амьдардаг аж. Бразилын олон сая хүны аюулгүйн шаардлага хангахгүй орчинд амьдардаг бөгөөд тэдний нэгэн төлөөлөл нь л Эдуард. Тус улсын Засгийн газраас орон сууцны хомсдолыг бууруулах чиглэлээр хөтөлбөр хэрэгжүүлж байгаа  ч хүрэлцдэггүй гэнэ.

Зураг дээрх балгас болсон барилгууд 30 жилийн өмнө уналтад орсон  Бразилын дунд ангийнхны барьсан орон сууцны үлдэгдэл бөгөөд Рио де Жанейрогийн баруун хэсэгт байрладаг байна. Тэнд 300 гаруй өрх амьдардаг. Оршин суугчид  байшингаа заримдаа “Жамбалая”, харин заримдаа “Копакабана палас” хэмээн нэрлэдэг гэнэ. Амьдрах нөхцөл муу, дэд бүтцийн шугам сүлжээ хангалтгүй учраас энд ихэвчлэн амьжиргааны төвшин доогуур, ядуу өрхүүд амьдардаг байна. Энэ зургийн Германы гэрэл зурагчин Петер Бауза 2015 оны аравдугаар сарын 31-нд авсан бөгөөд дэлхийн хэвлэлийн шилдэг гэрэл зураг шалгаруулах наадмын орчин үеийн асуудал төрөлд гутгаар байр эзэлжээ.