Ардчилсан намын дотоод сонгууль энэ сарын 2-нд буюу өчигдөр орон даяар зохион байгуулагдаж дууслаа. Намын шинэчилсэн бүртгэлд хамрагдсан гишүүд намынхаа Үндэсний бодлогын хорооны сонгуульт гишүүд болон аймаг, нийслэл, дүүрэг, сум, хорооны намын дарга, мөн Нийслэлийн АН-ын даргыг сонгосон юм.

Бэлэн мөнгө тараасан, хүнсний талон тарааж хууль зөрчсөн зэрэг олон зөрчилтэй асуудал илэрсэн ч дотоод сонгууль хуулийн хүрээнд болсон хэмээн АН-ын удирдлагууд мэдэгдэж буй.

Дотоод сонгуулийн дүн мэдээг яг одоо Төрийн ордонд сэтгүүлчдэд танилцуулж байна. Урьдчилсан байдлаар Нийслэлийн АН-ын даргад УИХ-ын гишүүн асан Ш.Түвдэндорж, Нийслэлийн ИТХ-ын дарга асан Д.Баттулга нар өрсөлдөж, Д.Баттулга саналаар илүүрхсэн мэдээлэл байна. Дэлгэрэнгүйг тун удахгүй хүргэнэ.