Италийн Сери А лигийн 30 дугаар тойргийн ихэнх тоглолт өнгөрсөн шөнө боллоо. Энэ тойрогт хүснэгтийг тэргүүлэгч “Ювентус” клуб гуравдугаар байрт бичигдэж буй “Наполи”-гийн талбайд зочилж, 1:1-ээр тэнцлээ. Ингэснээр Турин хотын баг 2 оноо алдаж, 74 оноотой боллоо. Харин “Наполи” 64 оноотой болж ирж байгаа юм.

Тоглолтын 7 дахь минутад Хедира тооны харьцааг нээсэн. Харин 60 дахь минутад Гамшик тэнцүүлжээ. “Ювентус” тэнцсэн нь “Рома”-д сайн хэрэг боллоо. Учир нь хоёр багийн онооны зөрүү 6 болж ойртож байгаа юм. “Рома” одоогоор 68 оноотой хоёрдугаар байрт бичигдэж байгаа билээ.

Бусад тоглолтын үр дүн

Торино 2-2 Удинезе

Палермо 1-3 Кальяри

Фиорентина 1-0 Болонья

Пескара 1-1 Милан

Кьево 1-2 Кротоне

Женоа 0-5 Аталанта