“Арсенал”-ын хагас хамгаалагч Алексис Санчесын ирээдүй ямар байх нь асуулт хэвээрээ л байна. The Telegraph-ын мэдээлж байгаагаар Чили эрийн төлөө “ПСЖ”, “Ювентус” болон Хятадын багуудаас санал ирж байгаа ч тэрбээр “Челси” рүү явахыг хүсч буй аж.

“Цэнхэрүүд”-ийн хувьд түүнийг худалдаж авахад санхүүгийн хүндрэл байхгүй. Харин “Арсенал” өрсөлдөгч багтаа шилдэг тоглогчоо зарахыг хүсэх үү, үгүй юу гэдэг л асуудал болчихоод байгаа аж.

Санчес өөрөө нэн тэргүүнд “Челси”-гийн саналыг сонсохыг хүсч байгаа бөгөөд бусад багийг ч бас орхиогүй байгаа юм байна.