Сүүлийн үед согтууруулах ундааны зүйл хэрэглэсэн үедээ тээврийн хэрэгсэл жолоодох зөрчил нэмэгдэх хандлагатай болжээ. Үүнтэй холбогдуулан Замын цагдаагийн албаны даргаас алба хаагчдад “Согтуугаар тээврийн хэрэгсэл жолоодох зөрчлийг бууруулах зорилгоор гэнэтийн болон байнгын хяналт шалгалтыг тогтмол хийж гарч болзошгүй зам тээврийн ослоос урьдчилан сэргийлж ажиллах”-ыг үүрэг болгосон байна.

Монгол Улсын хэмжээнд 2017 оны эхний гурван сарын байдлаар зам тээврийн осол, хэргийн улмаас 95 хүн амиа алдсан байна. Мөн зам тээврийн ослын улмаас 262 хүн гэмтэж бэртсэн аж.

Тиймээс согтууруулах ундааны зүйл хэрэглэсэн бол өөрийн болон бусдын амь насыг хамгаалж жолооны ард суухаас татгалзах, уусан найздаа жолоо барих боломж олгохгүйбайх, найдвартай дуудлагын такси, жолооч дуудах зэрэг арга хэмжээ авахыг Замын цагдаагийн албанаас зөвлөлөө.