Энэтхэгийн нийслэл Нью Дэли хотод энэ сарын 06-нд контейнер бүхий талбайд хорт хий цацагдсаны улмаас ойролцоох сургуулийн 200 орчим сурагчийн нүд болон хоолойд хэвийн бус шинж тэмдэг илэрч, эмнэлэгт хүргэгджээ. Энэ талаар орон нутгийн цагдаагийн газраас мэдээлсэн байна.

Албаны эх сурвалжийн мэдээлснээр хорт хий цацагдах үед сургууль хичээллэж байжээ. Гэтэл гэнэт анги танхимд үйлдвэрлэлийн зориулалттай химийн хорт бодис үнэртэж эхэлсэн байна. Үүний улмаас 200 орчим сурагчдад нүд болон хоолой нь хорсох шинж тэмдэг илэрч ойролцоох дөрвөн эмнэлэгт хуваагдан хүргэгджээ. Гэхдээ ноцтой хохирсон сурагч одоогоор байхгүй.

Өвчтөнүүдийн биеийн байдал тогтворжсон байна. Харин холбогдох албаныхан ямар төрлийн бодис агаарт цацагдсаныг тодруулахаар ажиллаж эхэлжээ.