Монголын рок, попын хөгжилд өөрийн гэсэн хувь нэмрээ оруулж яваа нэгэн бол хөгжмийн зохиолч, продюсер, дуучин Б.Ангирмаа билээ. Тэгвэл тэрбээр өнөөдөр хос цомгоо өлгийдөн авч, нээлтийн үйл ажиллагаа зохион байгуулах гэнэ. Тодруулбал, “Өнгө аяс”, “Удахгүй ээ...”  цомгоо танилцуулах хэвлэлийн бага хурал өнөөдөр 11:30 цагт Үндэсний соёл амралтын хүрээлэнд байрлах “Кастл” ресторанд болох юм байна.

Тэрбээр "Өнгө аяс" цомогтоо бага насандаа зохиосон дуунуудаа багтаасан аж. Тухайлбал, "Чиний харцанд", "Би асуумаар..." "Намар ганцаардал", "Мөрөөдлийн мөнгөн хонхны дуу" зэрэг 10 гаруй дуунууд нь багтсан бол "Удахгүй ээ" цомогт нь  "Ocean Grey" студийн залуустай хамтран хийсэн "Тэнгис", "Зүүд байлаа", "Өө Barry", "Ирмэх төдийд" зэрэг дуунууд орсон байна.

Дашрамд сонирхуулахад, дуучин Б.Ангирмаа хос цомгоо арилжааны бус найз нөхдөдөө бэлэглэх зорилгоор хэвлүүлсэн гэнэ.