Украинаас Европын холбооны гишүүн орнууд руу энэ сарын 11-нээс богино хугацаанд визгүй зорчих боломжтой болжээ.

Украины Ерөнхийлөгч Петро Порошенко ОХУ-ын Засгийн газрын ноёрхолоос  зайлсхийхийг хичээж буй. Тэгвэл визгүй зорчих болсонтой холбоотойгоор Украины иргэд олноороо хил давж, Ерөнхийлөгчтэйгөө хамт селфи хийн түүнийгээ интернэт сүлжээнд байршуулж эхэлсэн байна. Мөн Ерөнхийлөгч Порошенко твиттер хуудастаа “Виз шаардлагагүй тогтолцоо Украинд хэрэгжиж эхэллээ” гэсэн байв.

Украинд 2014 онд ЕХ-г дэмжигчид эсэргүүцлийн жагсаал хийж, Виктор Януковичийн Засгийн газрыг унагасан. Түүний дараа ОХУ Украины Крымын зарим хэсгийг өөрийн улстай нэгтгэснээр тус улсын зүүн этгээдийн хямрал эхэлсэн билээ. Тус дотоодын мөргөөн одоо ч үргэлжилж байна.