АНУ-ын сенатч Ларисса Уатерс хэдэн сарын өмнө амаржиж, охинтой болжээ. Улмаар саяхан болсон парламентын хуралдааны үеэр бүсгүй дөнгөж гурван сар хүрч буй нярайгаа дагуулан ирж, хөхүүлсэн нь цахим ертөнцөд шуугиан тарьж байна. Тэрбээр парламентын танхимд хүүхдээ хөхүүлэнгээ үг хэлсэн анхны гишүүн болж байгаа аж.

Түүний бяцхан  охиныг  Алиа Жой гэдэг аж.

Ларисса Уатерс зүүн мөрөн дээрээ цагаан алчуур тохож, охиноо хөхүүлэнгээ хэлэлцэж буй асуудлын талаар өөрийн үзэл бодлоо хэлсэн байна. Түүнчлэн, энэ талаараа өөрийн твиттер хуудастаа нийтэлснээр түүний дагагчдын тоо хэдхэн мөчийн дотор л 30 гаруй мянга болжээ.

Харин бяцхан Алиа охин тавдугаар сард нэг удаа ирснээс хойш сенатын танхимын байнгын зочин болсон гэнэ. Гэхдээ хуралдааны танхимд сүүгээ хөхсөн анхны хүүхэд болж буйгаараа ч онцлог юм.