Хөлбөмбөгийн солилцоо наймааны түүхэнд рекорд үнэ тогтоосон Бразил довтлогч Францын "ПСЖ" клубт анхны бэлтгэлээ өчигдөр хийжээ.

Тэрбээр бэлтгэлийн дараа Парис хотын багын хөгжөөн дэмжигчидтэй уулзаж, албан ёсны танилцуулга хийсэн аж. Улмаар өчигдөр орой багийн сургалтад суужээ.

Европын топ-5 лигээс Францын лиг-1 хамгийн түрүүнд буюу өчигдөр эхэлсэн. Эхний тойрогт "ПСЖ" клуб "Амьен" багийн эсрэг тулах ёстой. Харин энэ тоглолтод Неймар оролцох боломжгүй болсон байна. Учир нь Францын Хөлбөмбөгийн холбоо Неймарын наймааны албан ёсны гэрчилгээг хүлээж аваагүй байгаа ажээ.