Дуучин, жүжигчин Женнифер Лопес саяхан өөрөөсөө үе мултарсан залуу амрагаасаа салсан гэдгээ зарласан.  Тэгвэл дуучин бүсгүй экс нөхөр дуучин Марк Энтонитой тоглолтын тайзнаа эргэн нэгдлээ. Женнифер, Марк нар нэгэн үе хамтын амьдралаа зохиож, хоёр ихэр хүүхэдтэй болсон хэдий ч, 2011 онд гэрлэлтдээ цэг тавьж салж буйгаа зарласан. Гэхдээ тэдний харилцаа салалтын дараа ч найрсаг хэвээр байсан юм.

Тэгвэл саяхан Нью Йорк хотноо зохион байгуулагдсан Марк Энтонигийн тоглолтын тайзнаа экс эхнэр нь гарч, хамтдаа “No me Ames” дууг хамтран дуулсан байна. Улмаар дуучин бүсгүй инстаграмм хуудастаа тоглолтын зургийг нийтэлж “Энэ хүнтэй тайзан дээр хамтран дуулахад дандаа л хөгжилтэй байх юм” гэх тайлбарыг зүүсэн байна.