Голомтуудад иргэдийн хэнэггүй, албан хаагчдын хандлагаас хамаарсан асуудал байна : Тал нутгийн цахим мэдээлэлийн сайт

Нийслэлд өчигдөр 64.733 хүн...

Голомтуудад иргэдийн хэнэггүй, албан хаагчдын хандлагаас хамаарсан асуудал байна

Kuzmo 2021-04-24

Архангай аймгийн Засаг даргын орлогч, Шуурхай штабын дарга В.Мөнхбат ахалсан ажлын хэсэг голомттой сум болох Эрдэнэмандал, Хайрхан сумдад ажиллав.

Эдгээр суманд буяны ажлаас улбаатай халдварын голомт үүссэн. Тодруулбал, Эрдэнэмандалд нийслэлээс буяны ажилд оролцохоор ирсэн иргэнээс халдвар илэрснээр тэнд байсан иргэдэд халдвар тархаж, удсан нөхцөл үүссэн юм.

Дээрх сумдад аймгаас мэргэжлийн байгууллагуудаас бүрдсэн ажлын хэсэг томилогдон ажиллаж, шат дараатай зохион байгуулалт хийж байна.

Эрдэнэмандалд 200 гаруй төрийн албан хаагч, аймгаас томилогдсон 17 алба хаагч үүрэг гүйцэтгэж байна. Хайрханд 156 төрийн албан хаагчаас гадна, аймгийн ЗДТГ, Шуурхай штаб, Цагдаагийн газар, Тагнуулын хэлтэс, Мэргэжлийн хяналтын газар, Онцгой байдлын газраас алба хаагчид томилогдон ажиллаж байна.

Голомтыг хумихад шуурхайлан ажиллаж байна.

Бид голомтуудыг хумиж байгаа ч өөр аймаг, Улаанбаатараас зөөвөрлөгдөн ирэх эрсдэл өндөр байна. Иймд иргэдийн хөдөлгөөнд маш сайн хяналт тавьж, төрийн албан хаагч нарыг үүрэгжүүлж ажиллах, нутгийн ард иргэдээ зөв мэдээллээр хангахад сумдын удирдлагууд анхаарах шаардлагатай байна.

Иргэдийн дунд ковид 19 бол хамрын ханиадтай адил, гэрээрээ эмчлээд, эсвэл эмнэлэгт 14 хоног хэвтээд л болчихно гэсэн нийтлэг буруу ойлголтууд байна. Өвчилсөн ч ямар нэг эрсдэлгүй гэж тоомжиргүй хандаж байгаа нь халдварын тархалтад нөлөөлж байна.

Тандалтын багуудын мэдээлж байгаагаар иргэд зөв мэдээлэл өгөхгүй, уулзсан иргэдээ хэлэхгүй байх, маршрутаа буруу хэлэх, мал төллөж байгаатай холбоотой тэр ажилдаа илүү анхаарах, ноолуур самнахад ач холбогдол өгөх зэргээр өөрсдийн эрүүл мэндээ хойш тавьж байгаа нийтлэг алдаа дутагдал ажиглагдаж байна.

Сумдад стандартын шаардлага хангасан тусгаарлан ажиглах байраар ашиглах барилга байгууламж байдаггүй нь 1, 2-р хавьтлыг тусгаарлахад хүндрэлтэй байгаа юм. Мөн эрүүл мэндийн салбарын ажилчдад хүний нөөцийн хомсдол үүсэх нөхцөл үүсэхээр байна.

Орон нутгийн удирдлагууд, СОК, СЭМТ, мэргэжлийн байгууллагуудын ажлын уялдаа холбоог сайжруулах, шуурхайлах арга хэмжээнүүдийг авах шаардлагатайн дээр алба хаагчдын сэтгэл, хандлага ч дутаж байгаа нь харагдаж байна гэжээ.

ФОТО:

Сэдвүүд : #Аймгуудын мэдээлэл #Эрүүл мэнд

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.